დღეს ყველა ასწავლის, თუმცა ცოტამ თუ იცის რა განსხვავებაა „გაკვეთილს“, „ლექციასა“ და „ტრენინგს“ შორის. არადა, ტერმინების ზუსტი გამოყენება ხომ შენი პროფესიონალიზმის მთავარი ნიშანია. ამ კურსში გავარჩევთ ტერმინებს, რომლებიც ხშირად გვხვდება სწავლა-სწავლების პროცესში, მაგრამ ყოველთვის ნათლად არ გვესმის მათი მნიშვნელობა. აი, მაგალითად, ზუსტად იცი რით განსხვავდება სწავლა – სწავლებისგან? 🤔

რატომ ეს კურსი?

თანამედროვე საგანმანათლებლო სივრცე სავსეა ისეთი ტერმინებით, როგორიცაა ანდრაგოგიკა, ჰევტაგოგიკა, ქოუჩინგი, სთორითელინგი. კურსი წარმოადგენს MoTArt-ის (Modern Teaching Art) ნაწილს. ვინაიდან პირველი კურსია, ფაქტობრივად „სწავლების ნოტებია“ აქ მოცემული. ამასთან, კურსი არ არის მხოლოდ თეორიული ლექსიკონი — ეს არის შენი პროფესიული „გადარჩენის ნაკრები“, რომელიც ამ ტერმინოლოგიურ „ჯუნგლებში“ გზას გაგიკაფავს.

ჩვენ ვშლით ზღვარს თეორიასა და პრაქტიკას შორის. გაჩვენებთ ზუსტად როდის, სად და როგორ გამოიყენო ტერმინები მაქსიმალური სასწავლო ეფექტისთვის. გახდი უფრო არგუმენტირებული, თავდაჯერებული და შედეგზე ორიენტირებული განმანათლებელი. დაივიწყე მოსაწყენი ლექციები — თუ მუსიკაში არსებობს მოცარტი, თანამედროვე სწავლებაში არსებობს MoTArt-ი 😉

რას შეძლებ კურსის გავლის შემდეგ?

• ზუსტად განსაზღვრო სწავლების რომელი ფორმატი, ფორმა, სისტემა თუ მიდგომა გჭირდება მოცემულ მომენტში — პედაგოგიკა, ანდრაგოგიკა თუ ჰევტაგოგიკა
• მოირგო განმანათლებლის 6 მთავარი როლი (მასწავლებელიდან — მენტორამდე) და „მოაჯადოვო“ აუდიტორია სთორითელინგით
• დაგეგმო სწავლება, რომელიც ორიენტირებულია არა მხოლოდ მშრალ ცოდნაზე, არამედ უნარებისა და კომპეტენციების განვთარებაზე

ვისთვის არის კურსი?

• მოქმედი ან დამწყები მასწავლებლებისა და ლექტორებისთვის
• კორპორატიული ტრენერებისთვის
• HR მენეჯერებისა და L&D სპეციალისტებისთვის
• შვილის სწავლა/განვითარებაზე ორიენტირებული მშობლებისთვის
• თანამედროვე საგანმანათლებლო დაწესებულების ხელმძღვანელთათვის, რომელთაც გუნდის პროფესიული ტრანსფორმაცია სურთ

ეს კურსი ქმნის სწავლების კონცეპტუალურ საფუძველს, რომლის გავლის შემდეგაც გექნება მკაფიო, აკადემიურად სუფთა და პრაქტიკულად გამოსაყენებელი ლექსიკა.

MoTArt: დაეუფლე თანამედროვე სწავლების ხელოვნებას!

P.S. მზად ხარ, საკუთარ თავში აღმოაჩინო თანამედროვე განმანათლებელი? გელოდები ტრენინგზე, რეალობად ვაქციოთ ივანე ჯავახიშვილის მთავარი სათქმელი: „სწავლების მიზანი უნდა იყოს არა მასწავლებლის აზრების მიმდევრის, არამედ დამოუკიდებელი მოაზროვნის ჩამოყალიბება“. ✨