როგორც ივანე ჯავახიშვილი ამბობდა — „სწავლების მიზანი უნდა იყოს არა მასწავლებლის აზრების მიმდევრის, არამედ დამოუკიდებელი მოაზროვნის აღზრდა“. დღეს ბევრი ასწავლის, თუმცა ცოტას თუ აქვს გააზრებული სწავლების მიზანი ამგვარად. 

გამარჯობა, მე პაატა ცაგარეიშვილი ვარ, შენი მენტორი და თანამგზავრი ამ ინტელექტუალურ მოგზაურობაში. მაშ ასე, დავიწყოთ: 

1. რატომ ეს კურსი?

თუ თანამედროვე სწავლებას შევადარებთ ავტობუსს, მაშინ სწავლების ორგანიზება ის ოთხი ბორბალი იქნება, რომელზედაც სასწავლო პროცესი დგას. ესაა: 

1. სწავლების ფორმატები; 
2. სწავლების ფორმები;
3. განათლების სისტემები;
4. სწავლების მიდგომები.

ამ კურსში ჩვენ პირველ, უმნიშვნელოვანეს „საბურავს“ დავაყენებთ — ესაა სწავლების ფორმატები.

ალბათ ხვდები, რომ ფორმატის არასწორი შერჩევის შემთხვევაში სასწავლო პროცესი ან ადგილზე „იბუქსავებს“, ან მართვას დაკარგავს. აქ დაეუფლები სწორი ფორმატის შერჩევის ხელოვნებას: გაკვეთილი, ლექცია თუ ტრენინგი. შედეგად, შენ ზუსტად გეცოდინება, როდის სჭირდება შენს აუდიტორიას აკადემიური სიღრმე, როდის — სტრუქტურირებული საფუძველი და როდის — პრაქტიკული უნარების მყისიერი გამომუშავება. შენ ააწყობ პროცესს, სადაც ყოველი წუთი მიზანმიმართულია.

2. რას შეძლებ კურსის გავლის შემდეგ?

💡 თანამედროვე გაკვეთილის ჩატარებას: ააწყობ სტრუქტურირებულ, შედეგზე ორიენტირებულ გაკვეთილს მყისიერი უკუკავშირით.

💡 თანამედროვე ლექციის ჩატარებას: წარადგენ თეორიულ მასალას ისე, რომ მსმენელმა რთული კონცეფციები ინტერესის დაკარგვის გარეშე გაიაზროს.

💡 თანამედროვე ტრენინგის ჩატარებას: დაგეგმავ პრაქტიკაზე ორიენტირებულ აქტივობებს ნებისმიერი ტიპის საგანმანათლებლო სივრცეში.

💡 ფორმატების შერეულ გამოყენებას: გააერთიანებ გაკვეთილის, ლექციისა და ტრენინგის ელემენტებს დინამიკური და მოქნილი სასწავლო გარემოს შესაქმნელად.

3. ვისთვის არის?

✅ მოქმედი ან დამწყები მასწავლებლებისა და ლექტორებისთვის
✅ კორპორატიული ტრენერებისთვის
✅ HR მენეჯერებისა და L&D სპეციალისტებისთვის
✅ შვილის სწავლებაზე ორიენტირებული მშობლებისთვის
✅ საგანმანათლებლო დაწესებულების ხელმძღვანელთათვის, რომელთაც სურთ საკუთარი ან გუნდის კვალიფიკაციის ამაღლება

4. ვისთვის არ არის?

❌ ვინც ეძებს ზედაპირულ რჩევებს და არ აინტერესებს მეთოდოლოგიური გამართულობა
❌ ვინც დარწმუნებულია, რომ ერთი და იგივე მიდგომა თანაბრად მუშაობს ყველა ტიპის აუდიტორიაზე

5. როგორ შეფასდები?

თანამედროვე სწავლება რომ სპორტი იყოს, მაშინ შეფასება იქნებოდა უსაფრთხო დარბაზი, სადაც შეცდომის დაშვება არა სტრესის წყარო, არამედ განვითარების საუკეთესო შესაძლებლობაა. ჩვენთან შეფასება ასოცირდება არა სტრესთან, არამედ მხარდამჭერ გარემოსთან, სადაც სპორტსმენივით თავისუფლად ვარჯიშობ და სწავლობ საკუთარ გამოცდილებაზე. ეს გამოცდილება შენი ახალი მიღწევაა ინტელექტუალურ სამყაროში, რაც კურსის ბოლოს შენს ახალ კომპეტენციებად იქცევა,  რასაც დაგიდსატურებთ Mentor.ge-ს სერტიფიკატით.

MoTArt: დაეუფლე თანამედროვე სწავლების ხელოვნებას!

🔍 რა გელოდება შემდეგ ლექციაზე?

კრიტიკულად რომ შევხედოთ ივანე ჯავახიშვილის მოსაზრებას, რომელიც ვიდეოს დასაწყისში ვნახეთ, თუ დამოუკიდებელი აზროვნებაა მთავარი, მაშინ საერთოდ რა საჭიროა სწავლება? პირველ ლექციაზე ვნახავთ, თუ რა პასუხი გასცა ისააკ ნიუტონმა ამ კითხვას. ნიუტონის პასუხის შესაბამისად ავაგებთ ცოდნის პირამიდას, რომელიც გვიჩვენებს, თუ როგორ ვითარდება ცოდნა, და როგორ იკავებენ დამოუკიდებელი მოაზროვნეები ამ პირამიდის მწვერვალს. 

დროებით, შევხვდებით პირველ ლექციაზე!